Posibleng i-reschedule o ipauktaba an summon o pag-imbitar ki Bise Presidente Sara Duterte para sa imbestigasyon sa suboot grave treat asin posibleng pagbalgar kan Anti-Terrorism Act kasunod kan saiyang mga pahayag na may pigsugo siya na gadanon si Presidente Ferdinand Marcos Jr. enkaso gadanon siya.
Segun ki National Bureau of Investigation (NBI) Director Jaime Santiago, kun maghagad si VP Sara na i-reschedule an saiyang summon, pwede suboot na i-grant ini ngani na makaatender an Bise Presidente sa hearing kan House Committee on Good Government and Public Accountability sa masunod na aldaw nin Biyernes, Nobyembre 29.
An komitiba sa pamamayo ni Manila Rep. Joel Chua nag-iimbestigar sa confidential funds kan Office of the Vice President (OVP). Alagad sa ngonian segun ki Dir. Santiago, dae pa nin request an NBI gikan sa Ikaduwang Presidente.
Pigkumpirmar na soboot ni VP Sara na naresiber na kaini an subpoena gikan sa NBI.
Pigsaysay man kan Bise Presidente na hahagadon kaini na i-reschedule ini huli ta iprioritize an pag-atendir sa hearing kan House panel tanganing maipahiling an suporta sa saiyang staff na maatubang komo resource person.
