NAGA CITY- Pigheras kan Naga City Police Office an saindang mga nagin accomplishments kan nakalihis na semana.
Sa nagin paghampang sa mga kagawad kan media ni PSSG Roberto Aguillon, Assistant Public Information kan Naga City Police Office, sinaysay kaini na igwa soboot sindang naarestrar na tolong indibidwal para sa arrest of wanted persons na igwang manlaen-laen na kaso asin igwang pig-isyu na mandamiento de arresto para sa sainda.
Apwera digde, igwa man nag-surrender kan saindang loose firearms o an mga badil na mayong lisensiya.
Nag-abot man sa nasa 176 citation tickets an saindang na-issue kan nakalihis na semana para sa mga nagbalgar sa batas trapiko asin iba pang ordinansa na pigpautob sa siyudad.
Igwa man nairehistro na iba pang insidente an nasambitan ng hepatura sa manlae-laen na istasyon.
Mientrastanto, dagos-dagos man an pigkukundusir na comelec checkpoint kan NCPO para sa nararaning eleksyon sa bulan kan Mayo tanganing masierto na magigin matrayumpo asin matuninong an aktibidad na ini.
Sa ngunyan, hagad na sana kan opisyal an kooperasyon kan publiko tanganing mamantinir an paz y orden sa Naga City.
