NAGA CITY – Tinawan duon kan Naga City Police Office bilog an suporta ninda asin mayong diskriminasyon na nangyayari sa laog kan saindang ahensya pag-abot sa mga miembros kan LGBTQIA+ community.
Sa nagin paghampang sa mga kagawad kan media ni PLt.Col. Dario Sola, Deputy City Director for Administration kan NCPO, sinaysay kaini bukas an saindang ahensya sa mga miembros kan LGBTQIA+ na mawot na magbali sa saindang lado.
Dugang pa ni Sola, an output kan mga ini an saindang pighihiling asin baku an saindang kasarian. Tinawan duon man kan opisyal na mayo sinda nin pigpipili o bias pag-abot sa recruitment basta kaya kan mga ini na magsairarom sa magarabat na training an aakuon ninda an mga ini.
Preparado man soboot sinda na akuon sinda as long as makakatabang asin magkakaigwa sinda nin ambag sa mga programa asin proyekto kan PNP. Dugang pa ni Sola na kadakol na an makakapagpatotoo na igwa sinda nin mga personahes na miembro kan LGBTQIA+ community.
Pigsusuportaran man soboot kan PNP an mga programa na pigtutulod kan mga ini sa komunidad.
