Nakapreparar na an National Capital Region Police Office (NCRPO) tanganing masierto an seguridad para sa ikalimang State of the Nation Address (SONA) ni Presidente Ferdinand Marcos Jr. sa Hulyo 27.
Segun sa NCRPO Regional Director PMGen. Anthony Aberin, nasa lugar an gabos na lakdang sa seguridad para masiguro an ligtas, matoninong asin areglado na SONA.
Maabot sa 21,261 an mga pulis na ipapadara para sa nasabing aktibidad, na papakusugon kan 3,000 na standby personnel gikan sa Police Regional Office (PRO) 2, 4B, asin Region 5.
Katakod kaini, 11,196 na mga tawohan kan Civil Disturbance Management (CDM) an piglalaoman na masierto na magin maray an pagkundusir kan mga pampublikong pagtiripon.
Sakop kan nasabing deployment an House of Representatives, Batasang Pambansa Complex, mayor na tinampo, transport terminal, designated rally zones, government installations asin iba pang kritikal na lugar sa Metro Manila.
Mientrastanto, an NCRPO ibubugtak sa full alert status sa Hulyo 24 alas 5 nin hapon. komo pag-andam sa SONA.
