Nakatalaang mag perform an grammy award winning artist na si NE-YO sa Disyembre 31 sa sarong sikat na Hotel sa Quezon City kun saen sasabaton kaini sa Pilipinas an New Year Eve.
Pag-orgulyo kan pamayuhan kan Hotel laoman na magpamalas si NE-YO kan magayon na performance. Saro sa sikat kaining mga sonata an ‘Miss Independence’ kun saen nanggana nin duwang grammy awards.
Saro man sa aabangan kan Pinoy fans an pag-abot kan sikat na dancer group na Jabbawockeez na enot nagsikat kan nakalihis na 2008 kun saen bistado huli sa sulot kaining maskara asin mga dance moves na talaga man na patok sa mga Filipino supporters kaini.
Mapapahiling man an grupo kan P-pop boyband na BGYO na enot nagpabisto sa publiko kan nakalihis na taong-2019, pinasikat an sonatang ‘He’s into her’ na nakakua pa nin titulong ‘best theme song’ sa 2021 Asian Academy Creative Award.
An nasambitan ng programa an papartisiparan pa kan American Got Talent finalist Avantgardey, Best House, asin sarong Ukrainian model DJ Soda.
Bukas man an social media page kan nasambitan ng hotel para sa mga dugang na impormasyon manungod sa oras kan pagbubukas kaini.
