Mawot kan National Electrification Administration (NEA) na maserbisyuhan an gabos kan household o mga kaharongan sa bilog na nasyon antes matapos an 2028.
Liwat pinangenotan kan NEA an pagtiripon sa irarom kan Local Total Electrification Roadmap (LTER) tanganing ma-update an nasambitan ng target.
Kabilogang 151 na kinatawan gikan sa manlaen-laen na mga electric cooperative sa nasyon an nagpartisipar tanganing talakayon an nasambitan ng plano, asin aramon an mga pwede pang gibuhong inisyatiba tanganing maabot an target.
Sigun sa NEA, mawot kaining matabangan an mga electric cooperative na abuton an mga hararayong lugar tanganing gabos kan mga kaharongan an magkaigwa nin suplay kan kuryente antes matapos an 2028.
Kaibahan man sa tinalakay kan mga ini an pagbilog kan bagong istratehiya asin kolaborasyon para sa pagpapahewas sa power service, sa irarom kan franchise area kan lambang kooperatiba nin mayong nawawalat na mga komunidad.
An 100% electrification target an saro sa mga prayoridad kan presenteng administrasyon.
Pigsierto man ni NEA Administrator Antonio Mariano Almeda na alagad maski saro ining dakulang huma, makakaya ining abuton sa tabang kan mga electric cooperative asin gobyerno.
Sigun ki Almeda, mawot kan NEA na maserbisyuhan an gabos kan mga Pilipino asin magkaigwa an mga ini nin marhay na kalidad na electrisidad.
