Nagluwas nin arrest warrants an Istanbul Chief Prosecutor’s Office kontra sa mga haralangkaw na opisyal kan Israel.
Kabali na pinapaarestar si Israeli Prime Minister Benjamin Netanyahu, Defense Minister Israel Katz asin kadakol na iba pang opisyal.
An mga ini an nahahampang sa kasong crime against humanity asin genocide sa Gaza.
Nakabugtak sa nasambitan ng kaso an ginibong pag-atake kan Israel military sa mga sibilyans, ospital asin pagkaraot kan mga imprastraktura sa Gaza magpuon kan atakihon ninda kan nakalihis na Okture 2023.
Nagigin bukas an Turkiye sa ginigibong genocide kan Israel sa Gaza.
Sinuspendir man kan Turkiye an saindang diplomatic asin trade relations sa Israel huli sa kariribokan.
Marurumdumang nagluwas na man nin arrest warrants an International Criminal Court kan nakalihis na Nobyembre 2024 kontra ki Netanyahu asin dating Defense Minister Yoav Gallant huli sa war crimes.
