Pigbantaan ni Israeli Prime Minister Benjamin Netanyahu na mabalos ini sa Hamas makalihis an pagpapasakamot ninda kan mga binawian nin buhay na mga hostages ninda.
Kabali sa apat na binawian nin buhay na ipinasakamot Hamas iyo an umboy asin tugang kaining apat na anyos na saindang pigdukot kan nakalihis na October 7, 2023.
Dugang pa ni Netanyahu na saindang babalusan an Hamas huli sa labing namundo an mga pamilya kan mga nagadan na biktima.
Pigbatikos man ni United Nations human rights chief Volker Turk an ginibong pagpapasakaamot kan Hamas sa mga bangkay nin huli ta ini an haros ipinarada pa ninda mantang pigdadalan sana kan mga Palestino.
Marurumduamang nagpa-utob nin ceasefire kan nakalihis na bulan nin Enero na kun saen parte sa nasambitan ng urulay iyo an pagpapalaya kan Hamas kan mga hostages ninda mantang an Israel papalayaon man an mga Palestinong nakakulong sa saindang nasyon.
