Pigtawan duon kan pamayuhan kan NFA-Camarines Sur na tolos nindang pigriribayan enkaso igwang nababakal an mga consumer nin bagas na bakong marhay an kalidad.
Sa entrevista kan Bombo Radyo Naga ki Marbin Malabanan, Acting Branch Manager kan NFA-Camarines Sur, sinaysay kaini na pig-ako kan saindang ahensiya na minsan igwang mga bagas na bakong marhay an klase.
Paliwang kan opisyal, an iba soboot digde an nabasa o nahaluan na huli sa kagulpihan na pigpo-produce.
Alagad pigsierto man ni Malabanan na tolos nindang pigriribayan ini nin marhay na klase kan bagas tanganing masimbagan an problema.
Mientrastanto, liwat na pigsaysay kan opisyal na bastante an suplay nin bagas sa saindang mga pasilidad orog na ta deri-deritso man an milling activities.
Maski igwang nagbabakal na mga Municipalidad nin nasa 500 bags mayo man soboot problema huli ta igwang stock na para digde.
Sa ngunyan, pigsierto pa ni Malabanan na dagos-dagos an saindang pagpepreparar para sa papaabuton na peak season kan aranihan sa mga masunod na bulan.
