Itataas kan National Food Authority (NFA) an minimum buying price kan basang paroy sa ₱21 kada kilo, hali sa dating ₱17 kada kilo. Ipapauton ini sa maabot na panahon kan anihan sa Setyembre.
Segun ki Department of Agriculture Secretary Francisco Tiu Laurel Jr., an pagtaas kan presyo magtatabang sa mga parasaka tanganing mabawasan an epekto kan nagtataas na gastos sa abono, krudo, asin iba pang agricultural inputs.
Sinabi man kaini na dai muna tutugutan an pag-angkat nin imported na bagas sa mga pantalan sa Iloilo mapoon Setyembre hasta katapusan kan Nobyembre.
An lakdang na ini may obheto na maprotehiran an lokal na ani asin malikayan an kompetensya kan imported na bagas sa panahon kan pinakadakul na anihan.
Segun sa DA, an mga lakdang na ini magpapakusog sa posisyon kan mga paraoma sa pagbenta kan saindang paroy asin makakatabang sa pagtaas kan saindang kita.
