Nanindugan si National Food Authority Administrator (NFA) Larry Lacson na mayong bahid-pulitika an pinapabakal na P20 bagas sa publiko.
Sigun ki Lacson, an pagpapaluwas kan bagas na ipinapabakal sa presyong P20 kada kilo an haloy nang pinagplanuhan asin man maingat na pinagtalaan nin pondo asin man dakulang bulto kan bagas na pwedeng ipabakal sa hababang presyo.
Sa katunayan soboot, kan nakalihis na taon pa ini pinuonan na pinagplanuhan asin man sa laog kan halabang panahon ay kinaipuhan na isapinal an plano asin man proyekto tangani magin pakarhay an magigin implementasyon kaini.
Dae man soboot ikinunsidera an urulay kan pulitika sa paglulunsar kan programa, imbes pighihiling sana igde iyo an benepisyong makukua kan mga benepisyaryo na kwalipikadong magbakal kaini.
Sa presente, pinapabakal na an P20 rice sa kabilogang 32 Kadiwa center sa manlaen-laeng parte kan Pilipinas siring na sana kan Cebu, Cavite, Bulacan, asin iba pa.
Basado pa sa naenot na feedback kan mga consumer na naka-eksperyensya nang magbakal kaini, marahay an kalidad kan mga nababakal nindang bagas asin man haros kaparehas man kan mga commercial rice na ipinapabakal sa merkado.
Enot nang sinaysay kan administrasyong Marcos na pahehewason pa an maaabot kan nasambitan ng programa, tangani mas kadakol an maabot asin masimbagan an halangkaw na presyo nin bagas.
Sa presente, an sarong benepisyaryo an pwedeng makabakal nin hasta sa 30 kilos kan nasambitng bagas kada bulan.
