Pigpuonan na kan National Irrigation Administration na magpabakal nin baratong bagas kasunod kan paglunsar kan P29 kada kilo nin bagas kan saindang ahensya.
An pigpapabakal na abot kayang bagas an gikan sa Rice Contract Farming Program kan NIA.
Katuyuhan kan programang ini na matawan nin suporta an 40,000 ektarya nin mga omahan tanganing madugangan an produksyon asin kita kan mga paraoma.
Nagdistribuir man an ahensya nin farm inputs, binakal man kan ahensya an aning paroy kan benepisyaryong paraoma na nagpakol sa limang tonelada.
Segun ki NIA Administrator Eduardo Guillen, ini komo pagsunod sana sa direktiba ni PBBM.
Padagos man an paghihingoa kan ahensya na mapalangkaw an produksyon kan mga paraoma sa Pilipinas.
