Pigpahayag kan Oklahoma City Thunder na an guard na si Nikola Topic an na-diagnose na igwang testicular cancer asin presenteng masairarom sa chemotherapy.
Sigun sa general manager na si Sam Presti, pigkumpirmar kan mga doktor an long-term outlook kan 20-anyos na parakawat.
Pigsaysay kan coach kaini na si Mark Daigneault na nasa marhay na kamugtakan ngunyan si Topic asin padagos na nag-eehersisyo asin nakikiparte sa mga aktibidad kan koponan.
Si Topic an piglalaoman na magigin importenteng parte kan Thunder makalihis nindang manggana nin NBA title kan nakalihis na season.
Napiritan ini na dae makapagkawat sa bilog na 2024-2025 season huli sa ACL injury, alagad marurumduman na nahiling ini sa summer league sa sarong preseason game kontra sa Charlotte.
Pigsambit man ni Daigneault na preparado an mga kakampi ni Topic na magtao nin suporta sa saiya.
