NAGA CITY-Maabot sa 9.5 an grado na tinao ni Rep. Karlo Alexei Nograles sa nagin State of the Nation Address o SONA ni Presidente Rodrigo Duterte.
Sa entrevista kan Bombo Radyo Naga ki Nograles sinaysay kaini na kumparar kan mga naka-aging SONA kan presidente, mas seryoso suboot ini kan nakaaging lunes.
Apwera igdi, sigun ki Nograles, malinig suboot an kabilogan kan patara-tara kan opisyal asin dae suboot nagdivert sa nagkapirang isyu.
Alagad sa ibong kaini aminado an kongresista na may nagkapirang mga isyu suboot an dae nasambitan kan presidente sa SONA na hinalat kan publiko.
Marurumdoman na nag-kirad an mga transport groups makalihis dae soboot naunambitan ni Duterte an isyu dapit sa planong pagphaseout sa mga lumang jeepney asin an nagakapirang kahagadan kan mga tsuper.
