All-set na an four-division boxing champion na si Nonito Donaire sa saiyang liwat na pagsabak sa boxing.
Makakahampang kaini para sa interim WBA bantamweight si Andres Campos kan Chile na ikukundusir sa Argentina ngunyan na Hunyo 14.An 42-anyos na si Donaire gikan sa duwang magkasunod na pagkadaog kan nakalihis na 2022 kun saen dinaog ini ni undisputed junior featherweight champion Naoya Inoue sa panduwang round pa sana kan rematch.
Taong 2023 man kan nadaog an Pinoy boxers sa paagi kan unanimous decision ni Alexandro Santiago para sa bakanteng WBO bantamweight title.
Huring kapangganahan ni Donaire kan nakalihis pa na Disyembre 11, 2021 kan daugon si Reynaldo Gaballo sa Round 4 tanganing madepensaran an saiyang WBC bantamweight title.
Igwang record si Donaire na 42 na kapangganahan, walong daog na igwang 28 knockouts mantang si Campos igwang 17 na kapangganahan, duwang daog, sarong draw asin anom na knockouts.
