Nagsagibo an North Korea nin mga GPS jamming attack sa laog nin duwang magkasunod na aldaw na nakaapektar sa nagkapirang barko asin dinosena nin mga sibilyan na eroplano, segun sa militar kan South Korea.
Susog sa Joint Chiefs of Staff, nagsagibo nin jamming attacks sa North’s Haeju asin Kaesong sa Norte.
Dugang pa, an mga operasyon asin kagamitan militar dai naapektaran.
Kan Hunyo, an South Korea nag-apelar kan paorootrong GPS jamming kan North Korea sa tolong igwa nin koneksyon na internasyonal na ahensya — an International Telecommunication Union (ITU), an International Civil Aviation Organization (ICAO) asin an International Maritime Organization (IMO) — na naghahagad nin mga maninigong lakdang na nagkakanigong gibohon para sa nakakaoffend na aksyon.
An North Korea sarong miyembro kan ITU, ICAO, asin IMO.
Komo kasimbagan, pinagtibay kan ICAO an sarong desisyon manungod sa mga seryosong kahaditan huli sa jamming kan GPS navigation signals .
