Dagusan nang nag-atras si tennis superstar Novak Djokovic sa ATP Cincinnati Masters.
Pigkumpirmar kantournament officials an desisyon kan 38-anyos na tennis legend alagad dae na ipigluwas an rason kan saiyang dagusang pag-atras.
Puon kan nakalihis na Wimbledon semi-finals, dae na liwat nagbali sa torneo an batikang tennis star, alagad nakatalaan pa man ining magkawat sa US Open kun saen an mai n draw an mapuon na sa Agosto-24.
Sa ibong kan saiyang dae pagkawatsa nakatalaang torneo, kapot pa man ni Djokovic an impresibong 45-12 (win/loss) tournament record sa ATP Masters 1000.
Sa saiyang huring pagbali sa nasambitan ng torneo kan nakalihis na 2023, nagibo kaining daugon an mas joven na si Carlos Alcaraz.
Nagkapira sa mga tennis star na nakatalaang magkawat digde iyo an defending champion na si Jannik Sinner, Alcaraz, asin iba pa.
Madurar nin hasta Agosto-8 an ATP Cincinnati Masters ngunyan na taon.
