Ipigreport kan Department of Information and Communications Technology (DICT) na dae naapektaran an primerong serbisyo kan nasyon sa ibong kan isinagibong distributed denial-of-service (DDoS) cyber attacks kan nakalihis na Nobyembre 5.
Sigun ki DICT Secretary Henry Aguda, mayong naireport na disruption sa major IT infrastructure asin internet connectivity kan nasyon.
Pinagprepararan na soboot kan gobyerno an nasambitan ng pag-atake na pigkonsiderar na “November 5 cyber attack”.
Alagad maski igwang nagporbar na magkriar nin magabat na internet traffic, matrayumpo ining naulangan gamit an anti-DDoS equipment kan ahensiya.
Paliwanag kan sekretaryo, an DDoS an bakong hacking o date breach, kundi sarong malisyosong pagpoporbar na magdara nin traffic jam sa internet.
Dae na natukoy an mga website na pigporbarang biktimahon, alagad kadaklan soboot an gikan sa sektor kan bangko.
Sa ngunyan, mayo pang bangkong nag-repot nin anuman system disruption katakod kan insidente.
