NAGA CITY- Haros triple suboot an nairehistrong numero kan mga nag-enrol sa mga State Universities and Colleges (SUCs) ngunian na school year tangani na ma-avail an Free Tertiary Education sa Bicol.
Sa entrevista kan Bombo Radyo Naga ki Dr. Raul Bradecina, SUC President II kan Partido State University (PSU) sa Camarines Sur, sinaysay kaini na na haros nag-doble an numero kan mga enrolees mantang triple man an nag-enrol sa manlaen-laen pang mga SUCs sa bilog na rehiyong Bicol.
Huli suboot ini sa epekto kan implementasyon kan Commission on Higher Education (CHED) sa RA 10931 o an Universal Access to Quality Tertiary Education Act kun saen mayo na suboot na kinakaipuhan na bayadan na tuition asin miscellaneous fee an sarong estudyante.
Sa ibong kan halangkaw na numero kan mga enrolees ngunian na taon, aminado man si Bradecina na dae gabos sa mga ini, matutugutan na makaklase sa PSU huli ta naabot na ninda an quota kan number of enrolees.
Katakod kaini, plano ni Bradecina na magpautob nin extension classes sa mga manlaen-laen pang campus kan PSU para na maresibe an dugang pang mga estudyante.
