Naglobo na sa kabilogang 5,805,485 katawo an napag-araman na naapektaran sa panlalamasa kan Super Typhoon Uwan, basado sa assessment kan Department of Social Welfare and Development (DSWD).
Ini an katampas kan 1,669,809 pamilya gikan sa 14,162 barangay.
Sa ibong kaini, nagbaba na sa 518,184 katawo an nasa mga evacuation center makalihis tugotang makabweltada an haros kabangang milyon na dating pig-ebakwar huli sa hagupit kan bagyo.
Katampad ini kan 144,290 pamilya.Nagtitinir man na nakabukas an kabilogang 7,344 evacuation center kun saen kadakol digde an gikan sa Northern Luzon na padagos na nakakaeksperyensiya nin mahewasang pagbaha.
Alagad maski nagpapadagos pa man an assessmente sa mga kaharongan na naraot sa panlalamasa kan bagyo, igwa nang inisyal na labi 70,800 na kaharongan an napag-araman na naraot mantanga haros 9,000 an nawasak sa kasagsagan kan bagyo.
Sigun sa ahensiya, igwa pang P2.7 billion na kantidad kan pondo na pwedeng magamit sa mga serye kan kalamidad.
