Padagos an paglangkaw kan numero nin mga Filipino na nagpapasiring sa ibang nasyon tanganing makapagtrabaho.
Basado kaya sa pagtataya kan Philippine Statistics Authority (PSA) na kan nakalihis na taon sana an igwang 2.16 milyon na mga overseas Filipino workers (OFW). Mas halangkaw ini kan nakalihis na 2022 na igwang estimate na 1.96-milyon.
An nasambitan ng survey an pigsagibo kan PSA puon Abril hasta Setyembre 2023.
An pinakadakula digde an overseas contract workers na mapakol sa 98 percent o katampad kan 2.12 milyon na mas halangkaw kan nakalihis na taon.
An nasambitan ng numero an nagresulta sa paglangkaw nin remittance na nareseber kan gobierno gikan sa mga OFW na nagsakat nin 20.8 percent o katampad kan P238.63 bilyon kumparar sa P197.47-B kan 2022.
