Nagpakol na sa labi sa 2.5 milyong Pilipino an rehistradong persons with disability (PWDs) sa nasyon, sigun sa National Council for Disability Affairs (NCDA), basado sa datos kan Department of Health (DOH) kan nakalihis na Hunyo 17.
An numero an naglangkaw nin 35% gikan sa 1.8 milyon na nairehistro kan Hunyo 2024.
Pinakadakula an porsyento kan mga may pisikal na kakundian na nag abot sa 827,189, mantang kabali man sa inaapod na invisible disabilities an Speech impairment na may numero na 335,763; Psychosocial disability (314,210); Visual disability (251,302); Mental disability (152,762); Intellectual disability (137,491); Deaf/hard of hearing (129,021); Cancer (110,880); Learning disability (102,623), asin Rare disease (49,112).
Susog sa DOH, gabos nin 17 rehiyon sa nasyon an nakapagrehistro nin paglangkaw sa numero kan PWDs sa pag-ultanan kan 2024 asin 2025.
Enot nang ipinapaliwanag kan mga awtoridad na an paglangkaw an kawsa kan mas pinahusay na reporting systems asin mas accessible na serbisyo sa salud gikan sa mga lokal na gobyerno, na nagtabang sa mas amay na pagtukoy nin mga kaso kan kakundian sa nasyon.
