Naglangkaw pa an numero kan mga stranded na indibidwal sa mga pantalan sa nasyon ngunyan na aldaw, Lunes, Nobyembre 3 kasabay kan liwat na pagdagsa kan mga pasaherong mabwereltada sa saindang mga trabaho.
Ini an dara na man kan bagyong Tino na nakakaapektar sa nagkapirang parte kan nasyon.
Basado sa monitoring kan PCG kasbago, nagpakol na sa 2,480 na pasahero asin drivers an naikurit na stranded sa mga pantalan sa Central Visayas, Southwestern Mindanao, Southern Tagalog, Bicol, Eastern Visayas, asin Southern Visayas.
Apwera digde, igwang 44 barko, sarong motorbanca asin 700 rolling cargoes an stranded mantang paramientras na nakikisiromg an nasa 233 barko asin 117 motorbancas.
Mientrastano, inactivate na kan PCG an saindang deployable Response Group tanganing magresponde sa mga posibleng epekto kan bagyo.
Pig-enkaminar man kan PCG an mga parasira asin operator kan nga sararadit na lunadang pandagat na magdangog sa mga abiso gikan sa state weather bureau tanganing maaraman an update sa kamugtakan kan panahon asin sa gale warning asin likayan an paglalayag sa mga maalong dagat hasta sa magmaray na an kamugtakan kan panahon.
