Itinalaga ni President Ferdinand Marcos Jr si Misamis Occidental Governor Henry S. Oaminal komo Chairperson kan Regional Development Council (RDC) sa Rehiyon X (Northern Mindanao) para sa termino 2025 – 2028, komo pagbisto sa saiyang pamamayo sa lokal na gobyerno, pagtataguyod kan katoninongan asin pagtatarabangan sa rehiyon.
Ipinahayag ni Oaminal an saiyang taos-pusong pasasalamat ki President Marcos sa tiwala asin kumpiyansang itinao sa saiya, siring man sa mga opisyal asin kasapi kan RDC-X gikan sa gobyerno asin pribadong sektor.
Sa sarong pahayag sinaysay ni Oaminal na labi na ikinaogma asin ipinag-orgulyo an tiwala na itinao kan Presidente sa saiya.
Pigtawan-duon man kaini na an pagkakasararo kan msa Misamisnon asin kan saiyang Asenso team an naginbsusi sa pag-uwag kan probinsiya.
An RDC an pinakahalangkaw na policy making asin coordinating body sa lambang rehiyon na nagtatabang sa pagsasabay kan mga lokal asin pambansang prayoridad sa paagi ka Regional Development Plan asin Investment Program.
Komo RDC Chairperson, pangengenotan ni Oaminal an pagpapakusog kan koneksiyon kan Northern Mindanao sa Philippine Development Plan kan administrasyong Marcos na nakatuon sa pagpapahewas kan imprastraktura, pagmamantinir kan katoninontan, asin pagpapauwag kan mga lokal na ekonomiya.
Sa iraraom kan saiyang pamamayo, nag-angar an Misamis Occidental komo saro sa mga pinakamagayong performance na probinsiya sa nasyon, na nakapagkurit nin 66.49% na paglangkaw sa lokal na kita, asin naabot an enot na class category.
Pinarangalan man si Oaminal lan Natioanl Task Force to End Local Communist Armed Conflict (NTF-ELCAC) sa paagi kan Gawad Parangal 2024 hili sa matrayumpong pagtatapos kan limamg dekadang insurhensiya sa Misamis Occidental, na pigdeklarar ni President Marcos komo insurgency-free kan nakalihis na Setyembre 2024.
Komo bagong taga-pamayo kan RDC-X, piglalaomang padagos na ibubusol ni Oaminal an koordinasyon asin inklusibong pag-uswag kan mga probinsiya kan Bukidnon, Camiguin Lanao Del Norte, Misamis Oriental, asin Misamis Occidental pasiring sa matoninong, mauswag, asin matatag na Northern Mindanao.
