Nagtaong pagiromdom asin patanid an Office of the Civil Defense (OCD) mapadapit sa posibleng pagpapadagos kan paglangkaw kan tubig o pagbaha asin pati na man an mga landslides sa manlaen-laen na rehiyon sa nasyon.
Nagkapira sa mga pigbabantayan ngunyan kan OCD iyo an National Capital Region (NCR) huli sa padagos na pagbaha sa sarong dakulang parte kaini, bantay sarado man an mga huma kan landslides sa Gitnang Luzon asin Northern Luzon dara pa man kan padagos na pagbulos kan uran dara kan bagyo asin habagat.
Sigun ki OCD Officer-in-Charge Asec. Rafaelito Alejandro IV, saturated na masyado an dafa huli sa pirang semanang pag-uran asin ngunyan man an dara na kan Bagyong Dante asin Emong kaya man ibayong paglikay asin alerto an pigpapatanid sa mga residente.
Basado sa datos kan Mines and Geoscience Bureau (MGB) nasa labi 3,000 barangay sa bilog na nasyon an nasa peligro huli sa matinding pagbaha asin posibilidad kan pagrasay kan daga.
Mientrastanto, padagos an mga katuwang na ahensiya sa pengengenot kan OCD ma magsagibo nin mga preemptive evacuations sa mga apektadong komunidad.
An mga assets asin kagamitan man kan ahensiya asin kan Armed Forces of the Philippines (AFP) an nakapokus ngunyan sa mga lugar sa NCR, Central Luzon, CALABARZON, asin Negros Island na iyo man piglalaomang makakaresebir kan pinakamalalang pagtama kan bagyo.
