Naka-Blue Alert Status an National Disaster Risk Reduction and Management Operations (NDRRMO) Center na pigmamanehar kan ng Office of Civil Defense (OCD) huli sa naeeksperyensiyahan na raot kan panahon sa nagkapirang parte kan nasyon huli sa Bagyong Mirasol.
Sigun ki Civil Defense Administrator Usec. Harold Cabreros, obheto kaining masierto an marekas na pagsimbag enkaso kaipuhanon sa tahaw kan raot nin panahon.
Sa pagtaya kan OCD, an bagyong Mirasol an nagdadara nin mahewasang pag-uran na posibleng magkawsa nin pagbaha, landslide, asin iba pang kalamidad sa manlaen-laen na parte kan nasyon.
Kasunod kaini, liwat na ipinangapudan kan OCD an mahigot na paglilikay konra sa piglalaloman na makukusog na pag-uran asin mga hazard na kawsa kan maraot na panahon.
Mientrastantom padagos man na nakaantabay an NDRRMC Response Cluster asin nakaposisyon na an relief goods asin mga personahe para sa mas marekas na pagsimbag.
Tangani man na mas makakusog pa an abiso, naggagamit man an OCD nin manlaen-laen na plataporma kabali na an social media tanganing tolos na maipaabot sa mga apektado asin vulnerable community an mga abiso.
