Piglinaw kan Office of Civil Defense (OCD) na halangkaw na man an lebel kan kapreparaduhan o readiness kan Pilipinas sa mga makukusog na linog.
Paliwanag ni OCD Spokesperson Atty. Chris Bendijo, kun sa aspeto kan response o pagsimbag sa mga makukusog na linog, nakapreparar an Pilipinas gamit an akmang mga istratehiya.
Pighalimbawa kan opisyal an regular na Nationwide Simultaneous Earthquake Drill (NSWD) na isinagibo kan nasyon kun saen an pirming scenario iyo an makusog na linog, mahigot na inter-agency coordination, asin haralangkaw na kalidad kan mga kagamitan pwedeng gamiton.
Kaibahan digde an mga life-detecting system, lifting bags, asin iba pang teknolohiya na kaibahan na man sa ipinadara sa Myanmar, dara kan Philippine contingent.
Siring man, sa ibang aspeto soboot, kaipuhan pa nin mas mahewas na compliance.
Pighalimbawa kaini an pre-disaster preparedness na sakop sa katatagan kan mga establisyemento asin mga pasilidad sa nasyon.
Digde, nangangaipuhan pa soboot kan mas mahigot na compliance sa Building Code kan nasyon tanganing masierto an mga building an matibay asin kayang sabayan an makukusog na linog.
Pighalintulad kan opisyal an posibleng paggamit kan ‘duck, cover and hold’ technique na pirming pigtutukdo sa mga earthquake drill.
Soboot, alagad maski gabos kan mga Pilipino an pamilyar sa nasambitan ng istratehiya, masasakitan pa man isagibo ini kun an mga establisyemento mismo an enot mararaot sa oras kan kalamidad.
