Itinabla kan Oklahoma City Thunder an serye kontra sa Indiana Pacers sa 2-2, makalihis maggibo nin 4th-quarter scoring run sa Game 4, 111-104.
Liwat pinangenotan ni Thunder guard Shai Gilgeous-Alexander an saiyang koponan asin nagbulos nin 35 points mantang 27 points man an ambag kan small forward na si Jalen Williams.
Sa bench kan Thunder, nagpakitang-gilas an batikang reserve na si Alex Caruso asin nagbulos nin 20 points sa laog nin 20 mins na pagkawat.
Dae naisalbar kan duwang all-around player kan Pacers na sinda Tyrese Haliburton asin Pascal Siakam an saindang koponan sa ibong kan magayong performance sa enot na tolong quarter.
Nagibo kaya kan Indiana na mantiniron an lead sa 1st hasta 3rd quarter kun saen naiposte kaini an 7-point lead sa pagtatapos kan ika-tolong quarter.
Siring man, nagbawi an Thunder sa huring quarter asin naggibo nin 31-17 run sa kabilogang 12 mins sa pangengenot ni Shai, dalan tanganing iposte an 7-point deficit sa pagtatapos kan Game 4.
Alagad maski nagin gitgitan an laban sa tahaw kan duwang koponan, magkaiba an nagin scoring strength kan mga ini.
Pigbantayan kan Pacers an 3-point line asin ilinaog an 11 3-pointers sa kabilogang laban mantang tolo sana an nagin balos kan Thunder.Sa ibong na banda, binantayan man kan OKC an paint area asin nagibong maglaog nin 54 points sa irarom kaini mantang sulamenteng 36 sana an kasimbagan kan Pacers.
Liwat nagsentro an opensa kan Pacers sa shot assists, mantang nagin dakulang bentahe man kan Thunder an free throw area.
Naggibo an OKC nin 34 free throws gikan sa 38 attempts mantang sulamenteng 25 an nailaog kan Pacers gikan sa 33 attempts.
Gigibuhon an Game 5 sa homecourt kan Thunder sa Oklahoma City.
