Nagpepreparar na an Oklahoma City para sa gigibuhon nindang victory parade makalihis na maipuli an 2025 NBA Champions.
Sigun ki Oklahoma City Mayor David Holt na isasagibo an parada sa Hunyo 25 asin mapuon ini sa Midtown hasta Paycom Center asin Scissortail Park.
Piglalaoman man kan alkalde an kabangang milyong mga fans kan Thunder na mapartisipar sa parada.
Pig-imbitaran man kan nasambitan ng opisyal an mga fans kan Thunder gikan sa manlaen-laen na parte kan US.
Advertisement
Pigsierto man kaini na mabugtak sinda nin kadakol na kapulisan tanganing magbantay sa seguridad kan mga maatender sa parada.
Antes an parada matiripon muna an koponan sa Paycom Center para sa sarong programa.
Advertisement
