Pigmirar na kampeon kan 2025 NBA Finals an Oklahoma City Thunder makalihis na daugon an kalaban na koponan na Indiana Pacers.
Marurumduman sa Game 7 na pigkundusir ngunyan na Hunyo 23 sa Paycom Center, Oklahoma City, dinaog kan Thunder an Indiana Pacers sa iskor na 103–91 taganing masungkit an saindang kaenot-enoting NBA championship puon kan magbalyo gikan sa Seattle kan 2008.
Nasungkit ni Shai Gilgeous-Alexander an 2025 NBA Finals MVP huli sa nairehistrong 29 points, 12 assit, 5 rebound.
Dae naman nakabalik si Tyrese Haliburton makalihis na magsapo nin Achilles injury sa enot na quarter.
Mientrastanto, pigpurbaran man kan Pacers na habulon an Thunder orog na sa fourth quarter alagad sinda an nabigo.
Sa ngunyan, nagbulos man an pagbati sa koponan kan Oklahoma para sa saindang kapangganahan.
