NAGA CITY – Manlaen laen na aktibidad an nakataang gibuhon ngunian na aldaw sa banwaan kan Daet, Camarines Norte kunsaen mahihiling an pigkokonsiderar komo ‘Oldest Rizal Monument in the world’.
Sa entrevista kan Bombo Radyo Naga ki Sherwin Mata, tagapagtaram ni Governor Edgardo ‘Egay’ Tallado, sinaysay kaini na panong-pano nin mga aktibidad an selebrasyon kan kompleanyo ni Dr. Jose Rizal ngunian na aldaw.
Sigon ki Mata, dawa haloy na panahon na puon kan ipatindog an monumento, alagad dae soboot nagkukulang an dobyerno sa pag-aataman asin sa pigpapautob na seguridad digdi.
Enot naman na sinaysay ni Abel Icatlo, Provincial Museum Curator na padagos nindang pigpepreserbar an monumento komo parte kan historya kan nasyon kunsaen ini an kaenot-enoteng monumento ni Rizal na ipinatindohg makalihis magadan sa Bagumbayan, Manila o mas bistado na ngunian komo Luneta o Rizal Park.
An nasambitan ng monumento an saro man sa pig-oorgulyo bako sana kan mga taga Daet alagad magin kan bilog na rehiyon.
