Pigpasalamatan ni Filipino-American singer Olivia Rodrigo an mga Pinoy fans na nagdalan kan saiyang konsyierto sa nasyon kan nakalihis na Sabado Oktubre 5.
Sa social media account kan singer, pigtuturing kaini soboot na sarong “dream come true” an makapag-perform sa nasyon.
Labi an pasasalamat kaini sa haros nasa 55,000 katawo na nagtiyaga tanganing makaatindir sa nasambitan na concert kaini sa Philippine Arena.
Hurot pa kan singer, na kaito pa man soboot pigpangarap an magsagibo nin konsyerto sa nasyon.
Pigturing kan Grammy winner na an Pilipinas an igwa nin pinakadakulang venue sa saiyang “GUTS” Concert.
Mientrastanto, pigsaysay pa man kaini na gabos soboot na kita kan saiyang 1,500 na kantidad kan ticket mapapaduman sa Fund 4 Good kan parakanta na nagtatao nin marahay na fururo sa mga kababaihan
