Tolong katawo, kaibahan an sarong omboy an binawian nin buhay mantang 18 iba pa an irido sa mga pag-atake kan Russia sa Kyiv, an kabisera kan Ukraine kan nakalihis na domingo nin mag-uumagahon.
Sigun ki Mayor Vitali Klitschko, nagpuon an pag-atake gamit an mga drone asin sinundan kan missile strikes, na nagdara nin kasulo sa mga establisyemento, kaibahan an sarong building kan gobyerno sa sentro kan siyudad.
Inireport ni Klitschko na an omboy asin sarong aking babae, an binawian nin buhay sa mga drone attacks, mantang sarong bados na babae an dinara sa ospital.
Sarong gurang na babae man an nagadan sa sarong bomb shelter sa Darnytskyi district sa silangang parte kan Kyiv.
Mientrastanto, nagdara man nin dakulang danyos sa mga residential building an pag-atake sa Darnytskyi asin Sviatoshynskyi districts.
Sa Darnytskyi, nasulo an nagkapirang palapag kan sarong apartment building, asin sa Sviatoshynskyi, nagkapirang palapag kan siyam na palapag na establisyemento an nawasak.
Mantang an ga debris gikan sa mga nagbagsak na drone an nagdara man nin kasulo sa ibang mga high-raise na establisyemento.
Inakusaran ni Timur Tkachenko, pamayo kan military administration kan Kyiv, an Russia sa pagtuyo soboot kaining pag-target sa mga sibilyan, na maduon na pinahimutikan kan Moscow.
Padagos na pinahimutikan kan parehong kampo na nagtatarget sinda nin mga sibilyan, alagad ribu-ribong buhay na an nawara puon kan magpuon an digmaan kan nakalihis na Pebrero 2022.
