Pigsagibo kan India an “Operation Sindoor” tanganing targeton an mga kampo kan mga terorista sa Pakistan asin Pakistan-Occupied Kashmir (PoK) komo kasimbagan sa Pahalgam attack kan nakalihis na Abril 22 na nagresulta sa 26 na binawian nin buhay.
Gamit an Indian Armed Forces kan makabagong sandata siring kan loitering munitions tanganing rauton an mga base kan Jaish-e-Mohammad (JeM) asin Lashkar-e-Taiba (LeT).
Sigun sa Indian Ministry of Defense, an mga pag-atake an pigplano nin maingat tanganing malikayan an pag-target sa mga pasilidad kan militar kan Pakistan.
Pigkompirmar kan militar kan Pakistan na igwang mga missile strikes sa Kotli, Bahawalpur, Muridke, Bagh, asin Muzaffarabad, na nagdara nin matinding tensiyon sa tahaw kan duwang nasyon.
Nagpatanid an Defense Minister kan Pakistan na pwedeng magresulta ini sa all-out-war kun ipagpapadagos kan India an siring na aksiyon.
