Aram baya nindo mga ka-bombo, sarong libro an liwat na ibinalik sa San Antonio Public Library sa Texas makalihis an haros 82 taon na due date kaini kaibahan an sarong surat.
Sigun sa siyudad kan San Antonio an libro an pig checked out kan July 1943 asin due date makalihis an 28 aldaw, alagad puon kaidto dae na nakabweltada pa.
Makalihis an haros 82 na taon, sarong package an nag-abot sa pasilidad kan nakalihis na bulan kan Hunyo kan presenteng taon.
An package, an gikan sa Oregon kun saen laog an kopya kan librong Your Child, His Family, and Friends, na panurat ni Frances Bruce Strain.
Igwa man ining kaibahang surat na nagpapaliwanag na an libro an nakua sa mga gamit kan saiyang ama na pigsubli kan saiyang Lola halawig na taon na an nakakalihis.
Nakikiulay man an nagpadara kan package na dae na pagtawan pa nin late fees an saiyang Lola orog na ta dae naman kaini kayang magbayad.
Katakod digde, pigsaysay man kan pamayuhan kan library na an indibidwal na nagbalik kan overdue na libro an dae naman mabayad kan late fees orog na ta sainda ining hinali kan taong 2021 pa.
Sa ngunyan, an libro an presenteng naka- display sa lobby kan San Antonio’s Central Library.
Ini man an idodonar sa Friends of San Antonio Public Library tanganing ipabakal s Book Cellar ngunyan na bulan kan Agosto.
