NAGA CITY – Labi P1-M na kantidad nin iligal na droga an nakumpiskar kan mga otoridad sa ginibong anti-illegal drug operation sa Barangay Abella, Naga City.
Sa nasambitan ng operasyon, arestado an mga suspek na sinda Guny Sortido, 39-anyos; Ruel Sortido,35-anyos asin Vanessa Atlar, 32-anyos na anas mga residente kan syudad nin Naga.
Sa nakuang impormasyon kan Bombo Radyo Naga sa Naga City Police Office (NCPO), napag-araman na pasado alas-12:00 kasubagong matanga kan ginibo an operasyon.
Enot nang nakabakal an puseur buyer nin 5 grams nin shabu sa mga suspek na nagkakantidad nin P12,000.
Apwera digdi, nasa limang sachet pa an nakumpiskar kan mga otoridad na maabot sa P1.1-M an kantidad.
Sa ngunian, nagtitinir na sa kustodiya kan mga otoridad an mga suspek mantang pigpepreparar na an kasong isusunad kontra sa mga ini.
