Pigbubusol kan mga lider kan transport group an duwang pisong langkaw-pasahe sa mga jeepney.
Ini an komo kasimbagan sa sunod-sunod na oil price hike kan nakalihis na tolong semana na pigsunodan sana kan kakarampot na rollback ngunyan na semana.
Sigun ki Pasang Masda President Roberto Martin, liwat kaining bubuhayon an saindang petisyon na ipigsunad kan nakalihis na taong-2022 nin duwang pisong hike.
Kaibahan an Liga kan Transportasyon asin mga Operator sa Pilipinas (LTOP), nakatalaan na makipag-meeting an duwa ki Land Transportation Franchising and Regulatory Board Chairman Teofilo Guadiz tanganing pag-ulayan an saindang kahagadan.
An nasambitan ng kahagadan an para sana sa sarong provisional increase.
Sa presente, P13 an minimum fare para sa mga tradisyunal jeepney mantang P15 para sa mga modern jeepney.
Sigun sa duwang grupo, pigkakalkulong nabawasan nin P130 an aldaw na kita kan mga jeepney driver kasunod na man kan serye kan mga oil price hike puon kan magpuon an taong-2025.
