Ibabali kan gobyerno an pagpapabakal kan P20 kada kilo nin bagas sa Walang Gutom Program (WGP) kan Department of Social Welfare and Development.
Obheto kaini na pakusugon an ‘food access’ para sa mga nagsasakit na pamilya. Sa press briefing sa Malakanyang, sinaysay ni Social Welfare Secretary Rex Gatchalian na an lakdang an alinsunod sa direktiba ni Presidente Ferdinand R. Marcos Jr. para sa mga ahensya kan gobyerno na magtrabaho na sasaro an hiro asin paagi.
Sinaysay ni Gatchalian na nakameeting na kaini si Agriculture Secretary Francisco Tiu Laurel Jr. tangani isapinal an suplay kan P20/kg bagas sa Walang Gutom accredited retailers.
An retailers na ini an pigbibilog kan Kadiwa outlets asin small agri-cooperatives, kaparehong outlets kun saen pwedeng i-redeem kan WGP beneficiaries an saindang food credits.
Nagsumiter man an ahensya nin listahan kan 1,000 accredited retailers sa DA tangani puonan na an rollout. Inilunsar kan nakalihis na July 2023 sa irarom kan Executive Order 44, an Walang Gutom 2027: Food Stamp Program ay obhetong ilangkaw an 750,000 food-poor families gikan sa pagkagutom sa 2027.
An mga benepisyaryo ay makakaresiber nin monthly food credits na redeemable sa partner retailers asin masairarom sa nutrition education.
Mientrastanto an P20/kg rice, o an Benteng Bigas Meron Na! ay flagship program kan Department of Agriculture at National Food Authority. Pinautob kaini an campaign promise kan Presidente na gibuhong barato an bagas sa publiko.
An pagbali kan P20/kg rice an pinakabagong pagpapahusay sa Walang Gutom Program, nagpahiling nin positibong resulta basado sa independent monitoring.
An nationwide survey na isinagibo kan Social Weather Stations (SWS) asin man kinomisyon kan Globe Telecom ay nagpapahiling na an hunger incidence sa hanay kan WGP beneficiaries ay bumaba gikan 48.7% kan nakalihis na October 2024 hasta 44.6% kan nakalihis man na December 2024.
An SWS survey, kaiba an 4,000 respondents sa probinsya, nagpapahiling na mantang an pagkagutom sa mga benepisyaryo ay bumaba, an pagkagutom sa non-beneficiaries ay naglangkaw nin 6.1 percentage points sa kaparehong panahon.
An mga rehiyon kan Negros Occidental, Negros Oriental, Cotabato City, Zamboanga del Norte, asin Surigao del Norte an nahilingan nin “most marked improvements.”
Mientrastanto, nagluwas man sa pag-aadal na bagaman igwa nin malalang food insecurity—kabali na an pagpauktaba sa pagkakan o dae magkakan sa bilog na sarong aldaw, nagtitinir man na girumdumon, na an paglangkaw nin kaso ay kapansin-pansin na mas nagpahaloy sa hanay kan mga benepisyaryo kan nasambitan ng programa.
