Mawot ni Senador Bam Aquino na liwat surion an nakalaang P243 bilyong pondo para sa mga proyekto sa flood control sa 2026 national budget.
Pighurot ni Aquino, an mga bakong importanteng proyekto an dapat ilaan na sana sa mas kinakaipuhan siring kan edukasyon asin pangsalud.
Piglalaoman soboot kaining mababawasan nin dakula an pondo para sa floos control.Sigun pa sa senador, dapat enoton an libreng eduasyon asin serbisyong pangsalud huli ta ini an primerong pangangaipuhan kan mga Pilipino.
Tinukoy ni Aquino na kun igwang bastanteng pondo, mas marekas na masisimbagan an 166,000-classroom backlog asin kakulangan kan kagamitan sa mga eskwelahan, mantang maisasakatupadan man an universal healthcare para sa mga Pilipino.
Katakod kaini, nagsunad an senador nin Senate Resolution No. 28 na naghahagad sa kaukulang komite kan Senado na repasuhon kun pano piggagastos kan Department of Public Works and Highways (DPWH) asin iba pang ahensiya an P360 bilyong flood control budget sa irarom kan 2025 General Appropriations Act.
Sa ibong soboot kan P1.47 trilyong pondo para sa flood control puon 2009 hasta 2024, nagtitinir na problema an maluyang drainage system, bakong epektibong flood measures, luma asin kulang na pumping stations, asin kakulangan kan community-based flood risk management.
