NAGA CITY- Nag-apelar an grupong Malusog asin Matalinong Bata Coalition na matawan nin dugang na insentibong pangsalud an mga bados na ginang.
Ini an tanganing masuportaran an mga omboy sa saindang sinapupunan, kaiba na an mga aking kamumundag hasta sa edad duwang taon. Ginibo kan grupo an pangapodan huli sa soboot isyu kan pagkabansot kun saen 1 gikan sa tolong aking Pilipino an nababansot o dae naglalangkaw.
Sigun sa co-convenor kan grupo na si Lyonel Tanganco, pighahagad ninda sa gobierno na matawan nin dugang na P400 na bulang insentibo an mga bados na ginang, o katampad kan P13 kada aldaw.
An P13 kada aldaw na ini an bastante soboot tanganing makabakal nin sarong sugok para sa nanay asin sa saiyang omboy. Naglalaom man an grupo na matatawan an nasambitan ng kamawotan orog na ta padagos-dagos an paglangkaw kan numero kan mga nababados sa Pilipinas.
