Posible na maranasan kan mga motorista an dakulang bawas sa presyo kan mga produktong petrolyo sa masunod na semana, kasunod kan paghupa kan tensyon sa Middle East asin pagkusog ng piso laban sa dolyar.
Batay sa hiro kan Mean of Platts Singapore (MOPS) asin average Foreign Exchange sa nakalihis na apat na aldaw, sinabi kan sarong Industry Source nin langis na pwedeng bumaba nin P4.50 hanggang P5.00 kada litro an presyo kan diesel asin P4.50 hanggang P5.00 kada litro man an gasolina.
Segun sa source, nagbaba an pandaigdigang presyo kan langis dahil sa panibagong pag-asa sa diplomatikong pagresolba kan alitan sa pagitan kan Estados Unidos asin Iran, na nagpababa sa geopolitical risk premium sa merkado.
Dugang pa kaini, dakula man an ibinaba sa presyo kan diesel asin gasolina sa merkado kan Asya kasabay kan pagbaba kan presyo kan krudo asin paghupa kan pangamba sa posibleng pagkaantala kan suplay nin langis.
Nakatabang man suboot an pagkusog kan piso laban sa dolyar ngunian na Semana tanganing mapababa an piglaloman na presyo kan mga produktong petrolyo sa nasyon.
Inaanunsyo kan mga kumpanya nin langis an saindang price adjustment tuyong Lunes asin ipapautob ini tuyong aldaw nin Martes.
