Bahagyang nagtaas an pangkinaban na presyo kan langis sa ikatulong sunod na aldaw huli sa nagpapadagos na digmaan sa ultanan kan Estados Unidos asin Iran, na nagpalala sa posibleng haloy na pagkaantala kan suplay kan enerhiya.
Tumaas nin 20 sentimos o 0.22% an Brent crude futures sa $91.07 kada bariles, mantang nagsakat man nin 49 sentimos o 0.58% an US West Texas Intermediate o WTI sa $84.99 kada bariles.
Segun sa mga analyst, padagos na sinusuportahan kan tensyon sa Middle East an paglangkaw kan presyo kan langis, partikular an pagluya kan operasyon sa Strait of Hormuz, sarong importanteng agihan kan pangkinabang suply kan langis asin liquefied natural gas.
Sinabi kan Iran na matinir na sarado an Strait of Hormuz hangga’t dae tinutupad kan Amerika an mga kondisyon sa interim agreement na pinirmahan kan Hunyo.
Kabilang digdi an pagpugol sa mga operasyong militar asin iba pan kahilingan kan Tehran.
Mientrastanto, sinabi ni U.S. President Donald Trump na paso na an ginanap na pag-uulay sa ultanan kan Washington asin Tehran, mantang ininsiter niyang bukas an Strait of Hormuz sa ibong kan limitadong pag agi kan mga barko.
Huli digdi, nagpatanid an mga analyst na pwedeng magtinir na halangkaw an presyo kan langis sa mga masurunod na bulan kun dae tulos mareresolba an atensyon sa Strait of Hormos.
Mientrastanto,nagpadagos an labanan sa ibang parte kan Middle East makalihis atakihon kan Iran-backed Hourthi group an pirang barko sa Red Sea.
