NAGA CITY – Patay ang isang tulak ng droga matapos na manlaban sa mga awtoridad sa isinagawang buy-bust operation sa La Purisima Pili, Camarines Sur.
Kinilala ang suspek na si Glen Gan, residente ng Naga City Subdivision, Brgy. Triangulo, sa nasabing lungsod.
Sa nakalap ng impormasyon ng Bombo Radyo Naga sa Pili Municipal Police Station, napag-alaman na nauwi sa palitan ng putok ang isinagawang operasyon ng mga awtoridad matapos na mabatid ng suspek na mga pulis ang kaniyang ka-transaksyon.
Samantala, nakumpiska sa suspek ang isang transparent plastic sachet ng pinaniniwalaang shabu na tinatayang may bigat na 1,000 grams at nagkakahalaga ng nasa P6,800,000.00.
Maliban sa iligal na droga nakumpiska pa dito ang caliber 45 pistol na ginamit ng suspek sa pakikipagpalitan ng putok sa mga awtoridad.
Sa ngayon, nagpapatuloy ang isinasawang imbestigasyon hinggil sa nasabing insidente.
