Mabayad na an Philippine Health Insurance Corporation (PhilHealth) nin P8.8 bilyong kantidad nin claims na pig sayumahan huli sa late filing lampas sa 60-day period, sigun pa ki Dr. Israel Francis Pargas, tagapagtaram kan PhilHealth.
Saklaw kan patakarang itni iyo an claims gikan kan nakalihis na Enero 1, 2018, hasta sa Disyembre 31, 2024.
Pupuonan kaya kan PhilHealth an electronic claims filing kan taong 2018, kun saen awtomatikong pigsasayumahan an mga late submission.
Kaiba sa bagong patakaran an mga claims na nasa PhilHealth pa, mga naibalik alagad dae pa naire-file, asin magin mga na-re-file na kan mga ospital.
Sigun ki PhilHealth President asin CEO Dr. Edwin Mercado, 30% hasta 40% kan sinayumahang claims an huli man sa late filing, mantang padagos pang sinusuri an natatadang 60%.
