Kinumpirmar ni retired boxing champion Manny Pacquiao na makakahapang kaini sa sarong exhibition fight si dating walterweight champion na si Ruslan Provodnikov.
Gaganapon an laban kaini sa Russian boxer sa maabot na Abril 18 sa Las Vegas.Ini na an panduwang laban kaini puon kan liwat na magbweltada sa boksing makalihis an saiyang retirement.
Huring naglaban kaya an 47-anyos na si Pacquiao kan nakalihis na Hulyo kan nakalihis na taon kun saen nagtapos sa majority draw an laban kaini ki WBC welterweight champion Mario Barrios.
Sinaysay ni Pacquiao na tuyong naglalaban ini, dara kaini an watawat kan nasyon kaya dakulang inspirasyon kaini an mga suporta kan Pinoy gikan sa manlaen-laen parte kan nasyon.
An eight-division world champion an igwang record na 62 kapangganahan, walong kadaogan asin tolong draws sa nakalihis na 73 laban kaini.
Mantang an 42-anyos na si Provodnikov an igwang record na 25 na kapangganahan, limang daog na igwang 18 knockouts.
