Nakaguno nin pag-omaw gikan sa manlaen-laen na boksingero sa kinaban an nagin laban ni eight -division boxing champion Manny Pacquiao ki Mario Barrios kan US.
Maski na nagtapos sa majority draw an laban asin namantiir ni Barrios an saiyang WBC welterweight belt, dae pa man giraray nawara an paghanga kan nagkapirang mga boksingero sa 46-anyos na Pinoy boxer.
Nangenot an Cuban boxer na si Yordenis Ugas na nag-omaw ki Pacquiao.Dae kaya hunaon kaini na matapos kaining daugon si Pacquiao kan nakalihis na apat na taon, liwat na naglaban sa mas aking boksingero na an agwat iyo an 16 na taon.
Si Ugas kaya an pigsasaysay na nagin rason ki Pacquiao na dagusang magretiro sa boxing kan nakalihis na 2021. Labing pigrespeto an ipinahiling ni dating WBO junior lightweight titleholder Jamel Herring huli sa championship level ang ipinamalas ni Pacquiao.
Sa laog kaya kan apat na taon na dae paglalaban nagpahliling pa man giraray si Pacquiao nin kusog.
Pighuna man ni dating IBO lightweight title holder George Kambosos Jr na gana si Pacquiao sa laban ki Barrios.
Matinir soboot ining inspirasyon saiya si Pacquiao huli sa angking tibay kaini sa boxing ring
