Padre de pamilya, irido makalihis na tagaon kan nakainuman sa Lupi

NAGA CITY- Pigbubulong pa ngonyan sa ospital an sarong padre de pamilya makalihis na pagtatagaon kan saiyang mga nakainuman sa Lupi, Camarines Sur.

Binisto an biktima na si Michael Vega, 37-anyos.

Sa nakuang impormasyon kan Bombo Radyo Naga, napag-araman na nag-iinuman sana an biktima kaibanan an mga suspetsado na sinda Jayson Vega asin Edwin Vega sa harong kan sarong Alex Esquerra kan bigla na sanang magkaigwa nin mainit na diskusyon sa pag-ultanan kan mga ini na nagresulta sa pananaga kan duwang suspek sa biktima.

Tulos man na pigdalagan sa ospital si Michael na nagsapo nin lugad sa saiyang walang kamot asin tabay.

Padagos pa man na pighahanap kan mga otoridad an nagdurulag na mga suspetsado sa nangyaring insidente.