Pigbatikos ni House Assistant Minority Leader asin Gabriela Women’s Party Rep. Sarah Elago an pagpapawarang-sala kan Sandiganbayan Third Division kinda Chief Presidential Legal Counsel Juan Ponce Enrile, dating chief of staff na si Atty. Gigi Reyes, asin Janet Lim-Napoles sa 15 counts kan graft cases katakod sa Priority Development Assistance Fund (PDAF) scam.
Pigtawan-duon ni Elago, ini an pandok kan bulok na hustisya sa Pilipinas kun saen nawawara sa paninimbagan n an mga makapangyarihan.
Sigun ki Elago, an hatol kan Sandiganbayan nagseserbeng mensahe sa mga parahabon sa kaban kan bayan na maghalat sana nin pirang taon asin makalulusot na sinda.
Dugang pa ni Elago, mayong pinagkaiba an PDAF scam kaidto sa flood control scam ngunyan na parehong sistema kan katiwalian asin parehong klase kan pandarambong.
Kaya pig-enkaminar kan opisyal an namamanwaan na dae magin tuninong asin padagos na ipakuriyat an mga masunod na hilos-protesta kontra sa labing korapsyon sa nasyon.
