NAGA CITY-Pigtutulod sa Sangguniang Bayan kan Libmanan an pag-amyendar kan mga polisiya sa Material Recovery Facility Ordinance.
Sa nagin patara-tara ni Maal Prado, pamayo kan Municipal Environment and Natural Resources Office kan lokal na gobyerno kan Libmanan, pig-rerequire soboot kan Section 32 kan Republic Act 9003 gabos mapa-munisipyo, barangay, o magin an manlaen-laen nin mga institusyon, orog na an mga eskwelahan, na mag-establisar nin Material Recovery Facility(MRF).
Ini soboot nin huli ta an nasambitang pasilidad basado sa Republic Act 9003, asin man sa Section 21 kan Article 9 kan saindang Municipal Ordinance 08-03.
Nakasaad soboot igdi na an MRF nagreresiber nin wastes o basura para sa final sorting, segregation, composting, asin recycling.
Nin huli ta an Libmanan soboot may ordinansa, asin pigpapautob an mandatory wastes segregation, dai soboot labi an pagresibe nin mixed wastes huli ta segregated an collection.
Pagkaaga residuals sana soboot an nakukua kan pasilidad mantang pagkahapon biodegradable wastes man an nakukua kan facility gikan sa public market.
Sigun ki Prado, an residuals an dai na pwedeng ma-reuse asin ma-recycle kun saen temporaryo man soboot nin nagsisirbi an saindang pasilidad komo Residual Containment Area(RCA).
Sarong semana man soboot na pigkakaag igdi an collected residual wastes.
Dakul man soboot sa saindang pasilidad nin mga recyclable materials. Sa sainda man nin nasambitang MRF, igwa soboot sinda igding recyclables, kun saen may mga pigpoproseso igdi huli ta may equipment an pasilidad para igdi.
Sigun ki Prado, an iba igdi partikularmente an eco bricks, saindang pigtutunaw asin pigmomold.
Igwa man soboot sindang mga hollow blocks na gibo sa halo nin pulverized glass, sand, asin semento, kun saen dugang pa kaini may mga naghahapot naman kun gurano ini.
