Matrayumpo an naging pag-atindir kan alkalde kan syudad nin Naga prestihiyosong Yushan Forum na ginibo sa nasyon kan Taiwan.
Sa paghampang sa mga Kagawad kan Media ni Mayor Leni Robredo, sinaysay kaini nagpahiling nin presensya an mga lider kan gobyerno asin mga negosyante sa prestihiyosong Yushan Forum na ginibo sa nasyon kan Taiwan.
Dugang kaini na kaiba man duman an Philippine delegation na pigbilog nin mga industry heads asin mga alkalde na nagdadara nin programa para sa smart cities sa Pilipinas. Sa forum, tinutukan an mga isyu sa agriculture, technology, asin resilience, na nag-tao nin oportunidad para sa networking asin paghanap nin mga posibleng partners.
Kasunod kaini, naglunsar man nin Smart City Summit and Expo na dinaluhan nin exhibitors asin participants hale sa iba’t ibang parte kan Asya. Inimbitahan an Naga App bilang parte kan summit.
May mga nag atindir man sa Philippine Delegation Dinner kung sain ipinresentar an mga smart city initiatives kan Pilipinas. Igwa man nin limang syudad an parte kan programa: Pasig City, Victoria City , Calapan City (Mindoro) ,Cavite City , Noveleta, Cavite. Duwa man na alkalde an nag-attend para magtao suporta.
Sigon pa kay Robredo ini nagresulta ini nin maray na oportunidad: dakul an nagpahiling nin interes sa Naga App, asin an Singapore-based organizer na PUC nagkomit na mag-attend sa ICT Congress sa Naga sa bulan nin Hunyo* Nagtao man siya nin alok na mentorship asin tabang sa paghanap nin mga partners.
Sa kabilogan, dakul an benepisyo kan pagdalo sa Yushan Forum asin Smart City Summit. Pigtawan duon pa ni Robredo nanagtukdo ini nin mas maray na koneksyon, sponsors, asin suporta para sa pagpapauswag kan Naga App, na sa presente limitado pa an budget kundi dakul an volunteers asin partners na nagbubulig para mapalawig pa ini.
